torsdag 14. februar 2013

Har ikkje blogga på lenge.

Og kunne nesten ikkje hugse korleis eg skulle gjere det. Men etter mykje fram og tilbake fekk eg det til. Har strikka mykje sidan siste blogginnlegg , men teke bilder av berre litt av det. Desse to gensarane vart ferdige sist sommar og vart sendt med to av  borneborna då dei var her på sommarferie. Mønsteret på den rosa heiter Telemark og er størrelse 8 år.
Dette trur eg er Setesdal og er størrelse 6 år.

søndag 8. juli 2012

Gensar nr 3.

Gensar nr 3 har vore ferdig ei stund. Har berre mangla dei to knappane på halsen. Mønsteret er frå samme hefte som dei to lenger nede. Den er str 6 år. Nr 4 er straks ferdig. Manglar berre den hersens monteringa, men no er eg i gang med det.

onsdag 13. juni 2012

Gensar nr 2 .

Gensar nr 2 som er til Gwen er ferdig. Den er strikka i str 8 år. Det grå er Smart og dei andre fargane er litt diverse som eg hadde liggande.Så spørst det om prinsesser går med grå gensar.
 Mønsteret står i dette heftet og der er og mønsteret til uglegensaren i forrige innlegg.

lørdag 2. juni 2012

Uglegensar.

Uglegensaren til Oscar er omsider ferdig. Har brukt lang tid men sånn er det vel når ein strikkar på fleire ting på samme tid.Skal strikke gensarar til alle dei 6 borneborna og uglegensaren er den første som er ferdig.
Den er strikka i Viking superwash og er størrelse 4 år.

 I går fikk eg pakke i posten. Var så heldig at eg vann hos gamleheksa.Fin og mjuk alpakka og ull. Trur eg skal strikke meg vottar av dette. Te og sjokolade var det og med i pakken . TUSEN TAKK !!

fredag 18. mai 2012

Takk..


for dei "gode" kommentarane på forrige innlegg - gjere godt i sånne tider.
Eg fortset no strikkinga mi eg. Når våren let vente på seg og det er kaldt og utriveleg ute er det ikkje så mykje anna å finne på enn å sitje inne å strikke. Hannah har fått seg Mariusgensar. Strikka i Vking babyull . Strikka den i str.12 til18 mnd og den passar akkurat til Hanna som er 11 mnd. Kjøpte garn nok til bukse og for planen var at den skulle vere passeleg til hausten når ho skal i barnehagen.Så eg må nok strikke ein ny til den tid.

4 sett med prematurstrikk har eg og fått ferdig.No er det starta eiga gruppe i Sogn og Fjordane så dette kjem til å bli brukt i Førde.Kan og levere det på ein lokal stad så eg slepp å sende det i posten. Det som er på det øverste og nederste bildet er strikka i babyull og det i midten er Lanett.
Det blå teppet frå forrige innlegg er blitt større.Skulle gjerne hatt det endå større men er tom for blått , så enten må eg finne ein lik blåfarge eller bruke ein heilt anna farge på ruter rundt heile teppet.

tirsdag 17. april 2012

Tunge tider.

Det har vore ein lang og tung vinter etter at mannen i huset døydde brått og uventa i slutten av November. Etter 37 år i lag vart det brått slutt. Born ,borneborn og familien ellers har vore til stor trøyst i denne tida. No ser vi fram til sommaren for då kjem dotter og tre borneborn som bur i utlandet heim på ferie .Det gledar vi oss stort til. Heldigvis har eg helde fram med strikkinga mi og eg trur nok at den og har hjelpt meg gjennom denne vinteren.Her kjem det meste av det som eg har strikka etter jul. Strikka ein del som vart julegåver , men det vart ikkje teke bilder av. Denne gensaren var ei bestilling frå ei svigerinne og den skulle vere ein 65-års presang til eine bror min.strikka i Silja på pinnar nr.2.5. Tok litt tid men ferdig vart den og passa perfekt ifølgje mottakaren.
Presangen frå meg var desse sokkane +litt til. Dei og strikka i silja.


Oscar måtte ha nye barnehagevottar og dei måtte vere heimestrikka. Eg tenkte at no når han er 2.5 år og har litt større hender så skulle eg tove dei litt så dei vart litt tettare og varmare. Hadde ikkje mønster så det måtte eg lage og det vart strikka fleire par før eg laga eit som passa. Her er eit par før det er tova.



Dette paret vart for mykje tova og altfor tjukt for små hender.



Omsider klarte eg å få til eit par som var passeleg stort og passeleg tova. strikka to par til men dei har eg ikkje bide av.


3 par lange sokkar som alle er strikka i Silja og som eg har gjeve vekk. Mønster til sokkane har eg funne litt her og der i dei mange hefta eg har. Fikk "fot " i julegåve som gjer at det blir mykje enklare å ta bilder av lange sokkar. fikk "hovud "og . Det skal de få sjå når eg har strikka hue eller hals.










3 par Raggsokkar. Ikkje så mykje å seie om dei.


3 par mønstersokkar som er strikka i Silja. Mønster frå bøker og hefter som eg har mange av.


Desse blir nok jule eller bursdagsgåver.










Eit par av restar. Det fleirfarga er Labbetuss og det rosa er Silja.



Eit par til i Silja og desse og blir nok presang ein gong.



Eit teppe som skal til Nepal. Hadde noken nøster som eg har flytta frå den eine korga til den andre lenge. Fann ut at no er eg lei av dei så eg må bruke dei og strikka dette teppet. Litt triste fargar men eg fikk brukt opp det meste. Har eit svart nøste igjen og det skal eg nok få brukt ein gong. Teppet er ca 1x1m.




Dette teppet var og tenkt til Nepal men sidan eg har eindel av den raude fargen som er rundt alle rutene så lurer eg på om eg skal lage det større og ha det sjølv.Kunne nok passa på hytta.


Hmm..må tenkje litt på det. Sånn som teppet er no er det ca 1x1m.



Teppet er hekla i berre ullgarn. Det raude er noko eg kjøpte då eit gammalt garnutsalg (som ikkje hadde vore ope på mange år) skulle selje ut alt for huset skulle seljast. Mykje billeg garn og eg anar ikkje kor mange kilo eg kjøpte men det vart mange bossekkar.




Endå eit teppe som eg hadde tenkt skulle sendast til Nepal , men som eg alt har bestemt at eg skal bli større og bli mitt. Det blå er samme garnet som det raude over og eg har eindel meir av det.



Siste teppet var det første eg hekla og det er 120x200 m.




Det kvite er det 100 % ubehandla ull og det samme garnet som det raude og blå på dei andre teppa. Det andre som er brukt er berre restar.




Her er litt av det som er brukt på teppet .Eg har teke vare på alle restar som er over 1m for dei kan brukast til oldermorruter.



I dag har eg hatt min første tur på hytta. Det var mykje snø , men den var hard så trugane som står ved hytteveggen vart ikkje brukt.















































fredag 11. november 2011

Nissedress og litt til.

Hanna (eller var det mamma"n ?) ønska seg nissedress.Vi fann mønster å Drops sine gratismønster. No strikka eg dressen i anna garn og tynnare pinnar så eg laga meg mitt eige mønster og brukte berre bildet å sjå etter.
Dressen er strikka i Smart på pinnar nr 3.


Dressen passa ganske bra , berre litt lang i føtene .(Det kan no forresten vere bra når ein er sokkelaus). Dei lyse flekkane er ikkje fargefeil men vi hadde sol då eg tok bildet.

Eit par lange sokkar er og ferdige. Har vore misfornøgd med fargevalget heile tida så det har teke litt tid å få dei ferdige. Strikka i Silja på pinnar nr 2.5.


Eit Nepalteppe til er ferdig. Dette er teppe nr 17 , så det er ikkje mykje restar igjen her i huset.


I kveld har vi pakka koffertane våre ,for i morgon tidleg køyrer vi til Bergen , tek eit fly til Amsterdam for å besøke denne gjengen her. Vi gledar oss veldig til å få ei heil veke i lag med dokke !! Og til minstemann Kevin ; i måråkveld skal du få bjunost på sjeva di !