lørdag 31. oktober 2009

Eit tidkrevjande arbeid....

Vi har føre oss litt av eit arbeid denne vinteren. Vi skal pusse opp 150 slike stolar.Eit strøk heftgrunn på treverket og eit med anti-rust på røra og så eit strøk måling på heile stolen.Før og etter bilder.Fargen er ikkje så lys som det viser her.
Trur det skal bli veldig bra ,men det blir mykje arbeid så det er bra vi er mange som kan hjelpe til.Grunnen til opp-pussinga er at til sommaren skal vi feire bryllaup her på garden og då må vi ha skikkelege stolar.Bord manglar vi endå ,men kanskje ordnar det seg og i løpet av vinteren.



Stolane stod på eit nedlagt evangeliesenter og vi fekk dei mot at vi henta dei.Når eg ser alle på ein gong er det nesten som eg lurer på om vi kjem til å bli pittelitt leie før vi er ferdige.
Med på lasset var og ein kjøpmannsbenk,ein stor kommode,litt storkjøkkeninnreiing og diverse småting.




fredag 30. oktober 2009

Sauesokkar...

,,eller sokkar med sauer på. Strikka i Silja og mønsteret fann eg i Gjestalhefte nr 113. Skal lage adventskalendarar til alle 5 borneborna så desse sokkane blir nok brukt til det.
Er ikkje heilt sikker på kva sauerase dette er men det minner litt om spelsau ? No er det FREDAG og helg og det er meldt fint veir !!! GOD HELG til alle !!!


søndag 25. oktober 2009

Bittelitt sommar.

Ikkje alle er einig i at det snart er vinter.Desse har iallfall ikkje tenkt å gje opp endå.Bilda er tekne no i ettermiddag.

lørdag 24. oktober 2009

Fuglar og mugge.

Sjå kva eg fekk då Nina(yngste dotter i huset)kom heim til helga !! På butikken der ho handlar mat hadde ho sett desse fuglane og tenkte at desse hadde nok eg likt.Ho kjøpte tre med seg heim og eg vart så glad!! Desse skal nok bli fine ute til sommaren.
I dag har vi vore på tur til Førde og når vi er der må eg alltid på bruktbutikken. I dag var eg heldig og fann denne muggen.Den passar flott inn i samlinga mi.Resten av samlinga skal de få sjå når eg eingong har fått måla skåpet dei skal stå i. No er det laurdagskveld og eg skal strikke !!!


fredag 23. oktober 2009

Monsterbukse...

strikka i Rubin og er størrelse 4-5 år.Er ikkje heilt fornøgd med denne for munnen vart litt for stor. Det må eg forandre på den neste som eg er såvidt begynt på.



onsdag 21. oktober 2009

Labbetuss

Europris har fått nytt sokkegarn som heiter labbetuss.Det er fleire fine fargar og eg måtte prøve alle bortsett frå ein som eg ikkje kjøpte.
Av den grå/raude vart det sånt mønster.Klarte ikkje å få klårt bilde endå eg prøvde to ulike kamera.Kanskje mønsteret som gjer at bildet er utydeleg.Desse sokkane skal reise med posten i mårå.


søndag 18. oktober 2009

Fjelltur.

I dag skulle mannen på hytta for å gjere den klar for vinteren og eg vart med for ein trimtur kunne sikkert gjere godt. Vi har ein bratt og tung veg å gå så av og til må vi ha ein pause og her brukar vi å setje oss ned og kvile litt.
Vi hadde ikkje noko særleg med niste ,berre kvart sitt eple. Mannen skulle på jakt etterpå ,men det vart ikkje hjort i dag heller.
Her er bilder tekne frå hytta.

Nabohyttene.




Hytta som har vore altfor lite brukt denne sommaren.


Mange ulike soppar i skogen no.

Her er eg nesten komt heim igjen,Ser ned mot Byrkjelo og Våtedalen.

Breimsvatnet.








lørdag 17. oktober 2009

Meir stjernehals

Fann ut at dei to eg hadde laga var litt for små til 4-5 åringar så eg laga to nye.For å få dei litt større så strikka eg øverste delen litt lenger og på den nederste så auka eg ein gong meir enn som stod i mønsteret.Strikka i Rubin og eg brukte ca 85 gr på den blå som er størst.

torsdag 15. oktober 2009

Stjernehals

Har laga to stjernehalsar.Planen er at desse skal vere delar av to julegåver.På tide å tenkje på det no vis ein skal bli ferdig til jul.Dei er strikka i Rubin og er ca 2-4 år.
Og her er mønstret om nokon andre har lyst å strikke sånne.Dei er enkle og raske å lage.


mandag 12. oktober 2009

Eit strikkeoppdrag....

...er omsider ferdig. Eit oppdrag som eg sa ja til og klarte å gløyme heilt til ho som skulle ha det ringte og lurte på kor langt eg var komt for no var jenta fødd. Då var det berre å få fart på pinnane. No er det heldigvis ferdig og skal sendast i posten i morgon. Strikka i babyull og mønster er tatt litt her og der.

lørdag 10. oktober 2009

Tilbake...

...etter ein pause som slett ikkje var planlagt,men av og til så blir det berre sånn.Siste innlegget handla om vasking av raggegarnet før bruk og det gjekk veldig bra.Tråden vart mjuk og fin og til og med god å strikke med.Men så var det alt arbeidet med å lage hesper.Kom på at på stabburet stod det ein "sak"som var tenkt til sånt.Henta den fram og vaska den for den var ganske så nedstøva og skiten .Anar ikkje kortid denne var i bruk sist men det er nok mange ,mange år sidan.
Den var i litt dårleg stand og mangla litt her og der.
Men mannen i huset tok den med seg ned i "grisefjøsen"(i den delen av fjøsen som vi hadde gris i før har han laga til eit lite verksted og kjøpt inn litt maskiner til trearbeid).Då han kom igjen med den var den fullt brukbar med mange "nye" deler.
Og Oliver er sjølvutnevt "sveivar".Så når han kjem på besøk så må vi alltid lage nokre hesper.


Ein dag denne veka når eg kom heim frå jobb så var det nesten full vinter her.Heldigvis var det sånn berre nokon få dagar.
I dag stod eg opp til sol og blå himmel.Litt kaldt er det for på dammen er det eit tynt lag med is.
Men heller sol og kaldt enn snø og slaps.Så i dag skal alle løkane og blomsterpottene i hus og kanskje får eg gjort litt meir med dammen.Håpar fiskane har det bra under isen.No tykkjer eg nesten synd i dei som skal vere der i heile vinter og det blir frykteleg spennande til våren og sjå om dei har overlevd vinteren.







torsdag 1. oktober 2009

Raggegarn.

Går det å vaske dette harde,stive raggegarnet før eg strikkar av det ? Det har eg lurt på i fleire dagar no.Eg angrar på at eg har kjøpt det kvar gong eg strikkar med det og no ein kveld kom eg på at eg skulle prøve å vaske det først.
Leikestativet til Oscar passa fint som "hespetre".
Her ligg det vaska og tørka og kjennest mykje mjukare.Så får vi sjå i helga om det er verdt arbeidet med å lage hesper,vaske det og nøste det opp på nytt.Veit forresten ikkje om det blir så mykje strikking i helga for i morgon etter jobb reiser vi til Dønfoss camping og gjer ferdig byggeprosjektet som vi held på med.Der er det meldt kaldt og snø så i kveld må vi pakke termodress,vintersko og vottar.

Eg har ikkje så mykje ferdige ting å skryte av.Har altfor mange ting under arbeid men desse sokkane er ferdig og klare til bruk.Dei raude og svarte er strikka i Silja og dei skal eg gje til nokon som snart har bursdag.Dei lilla er strikka i tråden eg kjøpte på Hillesvåg.Like stivt og hardt å strikke som raggegarnet så kanskje det og må vaskast før strikking.