Jaudå..

..eg strikkar endå ,sjølv om det ikkje ser sånn ut på bloggen. Men desse teppa som eg helde på med tar litt tid og eg klarar ikkje å slutte med dei. Så snart eg er ferdig med eit så startar eg på eit nytt.På dette starta eg med 3 m og auka 1 m i byrjinga på kvar pinne til eg var komt halvvegs og så felte eg 1 m på kvar pinne til det var 3 m igjen.
Det er strikka i 100% ull og eg lurte på å tove det bittelitt men sidan eg har brukt to ulike garntypar så torde eg ikkje det i tilfelle dei tova ulikt.
Har eit teppe til som er ferdigstrikka men det er strikka i remser så der står monteringa igjen , men det kjem om få dagar.

Sokkar.

Etter at eg var ferdig med Fanajakkene har eg ikkje klart å bestemme meg for kva eg skal strikke. Har bladd gjennom alle mønstera mine fleire gongar, men ikkje funne noko eg har lyst å lage. Så medan eg ventar på ein god ide har eg strikka desse lange sokkane.
Det tok litt tid for det er mønster på heile sokken. Strikka av Ida strømpegarn på pinnar nr.2.5.

Fanajakke nr. 2 ferdig.

Då var den andre jakka ferdig. Det blir nok ei stund til eg strikkar jakke igjen for eg likar ikkje monteringa (er vel ikkje åleine om det forresten).
Begge jakkene er strikka i Silja på pinnar nr 2.5. Den rosa er str 6 år og den svarte str 4 år.
Hadde frist på meg til torsdag kveld for å få dei ferdige (klarte det)for då slapp eg å sende dei i posten , men kunne lure dei ned i ein koffert til ei som no er på veg til Rotterdam.

Der bur desse to borneborna mine som skal ha jakkene. Dette bildet tok eg sist sommar då dei var på ferie i Norge og vi var på veg opp på hytta for å overnatte.

Fanajakke.

Har endeleg fått ferdig den første fanajakka. Lenge sidan eg har strikka jakke så eg hadde gløymt kor mykje montering det er. Strikka stolpane for seg sjølv og sydde dei på til slutt. Mykje pirk og vanskeleg å få det fint ,men eg trur det vart ganske bra til slutt. No strevar eg med monteringa på den andre jakka og skal vere veldig glad når eg er heilt ferdig.

Sokkar og litt til.

har strikka eit par lange sokkar til eldste dotter. Fargane bestemte ho for eit år sidan så det er vel på tide at dei vart ferdige. Strikka i Silja på pinnar nr 3 denne gongen.


Så hadde eg bestemt meg for å ikkje strikke fleire Nepaltepper no , men som de ser så heldt ikkje det lenge.

Har brukt opp det meste av restane mine (berre babyull igjen) så no blir det teppe av dette.

Det raude og gule er 100% ull og det lilla er 55% ull og45% alpakka.

Babyullrestane skal eg bruke til prematurstrikk. Fann denne sida for eit par dagar sidan så i går laga eg dette vesle settet som er babyborn størrelse .

No må eg dra fram symaskina og montere ei Fanajakke.