onsdag 21. april 2010

Gensar til Oscar.

Strikka i Daletta på pinnar nr.2.5. Størrelse 1.5 år .
Mønsteret fann eg i eit gammalt Lanetthefte som eg kjøpte på midten av 70-talet.Den er strikka frå halsen og ned og derfor nesten fri for montering.
Har strikka ei halv ullbukse i samme garnet ,men den ligg no godt gøymt under bordet og der blir den nok liggande for Daletta var ikkje noko godt garn å strikke med(mi meinig då). Det er lite tvinna så det delte seg mykje og er veldig lite "elastisk" så strikkinga vart veldig ujamn. I staden for handstrikka ullbukse har eg no bestilt ei maskinstrikka så Oscar skal nok ikkje fryse til hausten når han skal i barnehagen.



søndag 18. april 2010

Er det dette som er vår ?

20 cm nysnø var ikkje noko kjekt syn å vakne opp til i dag.

Bra at eg fylte meir frø i fuglemataren i går.




fredag 16. april 2010

Rosa sokkar og glade kattar.

Desse sokkane har eg gløymt å legge ut bilde av. Fann dei no når eg såg gjennom bilda som er på kamera.Dei er ferdig for lenge sidan og eg gav dei til ei jente som driv med hest. Har sett at dei har vore i bruk i stallen fleire gongar. Dette er eit litt kjedeleg mønster å strikke, kanskje fordi det er så enkelt ?

Om fredagskvelden når hybelbuaren kjem heim til helga stiller kattane opp som mottagelseskomite´og gjensynsgleda er STOR !!


tirsdag 13. april 2010

For sein .

Ja har ein for mange jarn i elden blir ingenting ferdig og sånn er det med meg no.Bestemte meg tidlegare for at når døtrene mine hadde fødselsdag så skulle dei blant anna få lange heimespøta sokkar.Første paret måtte vere ferdig 17 mars og det gjekk fint.Festa trådane rett før vi skulle på kakefest ,men ferdige vart dei iallfall. Andre fødselsdag var i går.Då var det nest eldste dotter sin tur.Fargeønskje har eg fått for lenge sidan og so langt er eg komt dagen etter at sokkane skulle vore komt fram til bursdagsbarnet. Eg får trøste meg med at våren er komt til Rotterdam og lange ullsokkar er det nok ikkje bruk for før langt ut på hausten. Men då SKAL dei vere ferdige.
I morgon har eldste dotter fødselsdag og der ligg eg visst like dårleg an.No har det seg sånn at om eit par timar så sit ho på eit fly på veg til England på ferie så eg har ti dagar på meg til å få dei ferdig,men tvilar på om det går.
5 par raggsokkar er det einaste eg har fått til dei siste vekene.Men så er dei så enkle å strikke og ein treng ikkje tenkje på mønster,berre litt striper innimellom.

Då tenkjer eg heller på kor henne eg skal grave neste gong eg tar på meg arbeidsklea og går ut. For det er stort sett det eg helde på med om kveldane no.Har så mange planar at eg veit ikkje heilt kor eg skal begynde og har lyst å gjere alt på ein gong.



Imorgon har eg fri og då må eg bruke litt av dagen her.Mykje arbeid her, men heldigvis skal eg ikkje ta alt dette åleine.
Så til STRIKKEBESTA , tusen takk for awarden,den ligg fint på høgre sida på bloggen min.Er ikkje komt lenger med den heller.







søndag 4. april 2010

Det gikk dårleg med fiskane.

Ingen av dei overlevde vinteren. Her er den siste som flaut opp etter at isen er vekke.No er det berre å vente til vatnet blir litt varmare og så få tak i nye fiskar. Til neste vinter må vi gjere det på ein anna måte.Korleis veit eg ikkkje no, det får vi finne ut i løpet av sommaren.
Litt strikking må vere med i dag og. Desse vart ferdig for eit par dagar sidan og dei blir nok stallsokkar.Mønsteret er frå Drops. Dei skulle strikkast i Karisma men eg har brukt Silja og lagt opp til herrestørrelse og då passar dei perfekt.


torsdag 1. april 2010

Ein fin kveld.

Etter ein kraftig middag med pinnekjøt m/tilbehør hadde vi valget mellom å sige ned i kvar sin stol,biltur,eller ein tur til skogs. Heldigvis bestemte vi oss for det siste og pakka sekken og tok turen til gapahuken.Bålet vart fyrt opp med det same, litt vanskeleg å få det til å brenne når alt er vått og rått. I fjor kløyvde vi litt ved og la under tak og den var god å ha i kveld.
Med litt einekvistar brann det skikkeleg bra etter kvart.
Vinen smakte utruleg godt attmed bålet
Vi let bålet brenne godt ned før vi gjekk heim.Eg var litt bekymra for turen heim for eg ser forferdeleg dårleg når det er mørkt. Men med litt vin i"kvar fot"gjekk det heilt fint.Det var ein flott kveld !!