Er strikkelysta på vei tilbake ?

Nei eg veit ikkje .Men no er eg lei av å sitje kveld etter kveld med hendene i fanget.Prøvde i går og begynde på noke nytt og fann fram mønster og tråd men lenger kom eg ikkje.Så no har eg tatt fram eit av langtidsprosjekta mine. Har vel strikka på dette i 2-3-4 år . Vis eg har telt rett så har eg strikka 112 "lappar".Pus lurer visst på om han kan hjelpe til.


Eg angrar litt på at eg har brukt så mange fargar , for det vart foferdeleg "rotete". Men eg begynte på da for å få brukt opp noken av posane med restar som eg har.Kanskje eg skal ta dette med i sommarhagen ikveld.

Men når eg snur det så blir eg litt mismodig .Sjå på alle trådane som skal festast !!!. Fleire hundre og fleire blir det. Tenk om eg hadde festa dei etterkvart !!!

Ein god dag

Ein god dag på kjøkkenet vart til dette : Masse plommedesserBlåbærsylte

Oppnedkaka til Blabærpai

Ostekake

No har eg tatt kveld og slappar av med dette :

Lettvint dessert

I dag har eg laga ein veldig enkel dessert som de skal få oppskrifta på.
Eg brukte ; 3 liter vatn
1.5 kg sukker

kok til sukkerlake

Ha oppi plommer og la det trekke ei stund(ikkje koke). Avkøl.

Det smakar kjempegodt sammen med is.Det kan frysast .Ei enkel måte og hermetisere på.

Sist helg vart det hyttetur igjen. Det vert nok mange helgar der utover hausten.Denne helga gjorde vi nesten ingenting .Vi skulle måla to veggar på hytta men det vart det ikkje noke av.

Bittelitt ved hogg vi no.Det hender vi får litt arbeidslyst når vi er der og då går det utover skogen som det er altfor mykje av.

Når kvelden kom tok vi fram 3-literen .Denne gongen prøvde vi Arne Brimis hytte ,grill og turvin.Den var bra ,men alt smakar vel godt på fjellet.

Solnedgongen var sånn.Den nytte vi frå verandaen.

Mange sauer var komt ned frå høgfjellet .Dei er vel begynt å meke at det er haust dei og.

Både lørdag og søndag såg vi på reinsdyrsjakt.Vi sat på verandaen og såg både reinsflokken og jegerane. Det var ein flokk på 60-70 dyr .Nokre av bukkane hadde noken kjempestore gevir.Eg hadde kamera med i håp om å få bilde av ein storbukk , men dei kom ikkje nær nok. Vi var ute og gjekk ein liten tur og då møtte vi noken jegera som hadde vore heldige .

Ein liten blåbærtur vart det og.Det er nok snart for seint å plukke blåbær no for det var eindel som var rote.Men litt vart det så det skal bli litt sylte. Den har eg tenkt å gje til ei som likar godt pannekaker med blåbærsylte .

Gjode ferdig eit lite hekleprosjekt og . Eg skal hekle tepper til dei tre stolane vi har på hytta, og no er første ferdig . Brukar kun restar så det blir alle mulege fargar .No er det berre å glede seg til fredag for då går turen til fjells igjen .

Meir loppemarked

Som eg sa i forrige innlegg så var vi på loppemarked sist fredag og lørdag . Fredagen var eg såvidt innom med same dei opna men fann veldig lite(kanskje på grunn av dårleg tid). Var innom igjen seinare på dag men då var det så lite igjen at eg reiste heim . Lørdag kl 10 var eg på plass igjen med nytt mot .Det var litt rart for den dagen var det veldig lite folk . sikkert berre 10-12 som stod klar då dei opna.Det første vi kjøpte var denne kommoden .Skikkeleg solid trekommode.Denne var det ei som hadde så lyst på at ho fekk kjøpe den . då var eg vel snill !!


2 store pyntepotter(veit ikkje om det heiter det).Desse fekk eg for 10 kr kvar .

2 vinglas til å ha telys i. 5 kr stykke.

2 ting til å sette heite panner på .Eine tilogmed med hane på .5 kr for kvar. Hadde eg venta litt hadde eg fått dei for 2 kr. Desse skal eg ha på hytta .

Så eit stort syskrin .For noken år sia såg eg ei dame som kjøpte eit sånt syskrin og når ho opna det var det stappfullt av syutstyr. Så heldig går det nesten ikkje an å vere !! Det som er feilen med dette er at eg likar ikkje fargen . Skal eg måle det eller........

Målinga er ferdig

No når eg er ferdig med målinga er det på tide å vise fram
resultatet. Men først måtte eg lage nye stoltrekk .Var på stoffbutikken (liten butikk ca 10 kv.)men fann ikkje noke eg hadde lyst på. Nokre dagar seinare var eg innom ein bruktbutikk og der fann eg noken kjøkkengardin som eg tenkte kunne passe. Så då var det berre å ta fram den velbrukte symaskina mi .


Stiftemaskina måtte gjere sin jobb.

Her er benken ferdig.

Og her er resten ferdig og.Benken i kvitt og stolane i rødt .Var litt redd for at det skulle sjå rart ut med ulike fargar, men trur ikkje det vart så gale .

Av restane sydde eg ein duk til bordet. Synd det er slutt på sommaren for dette vart skikkelege sommarmøblar. Eg er fornøgd med resultatet og billeg vart det og for eg betalte berre 15 kr for gardina.

Når vi kjøpte dessse møblane på loppemarked for 3-4 år sia var det to stolar som vi ikkje tok med for dei var litt ødelagt .Etterpå har vi angra mange gongar på at vi ikkje tok med dei og , for det hadde heilt sikkert vore råd og ordna dei .Så i går når vi var på loppemarked så dukka utruleg nok desse to stolane oppigjen. Då var vi raske å slå kloa i dei og når vi fortalde mannen som sto og selde at vi hadde resten heime så sa han at vi kunne få dei . Så då fekk vi dei heilt gratis og no står dei og ventar på å få noken skruer her og der ,litt lim og så må målingsspannet framigjen .Det eg lurer på no er kor eg skal finne fleire sånne kjøkkengardin .

Sokkestrikking

I dag verte da eit innlegg om sokkestrikking . Å strikke sokkar da gjere eg heile tida . Ofte har eg fleire par som eg strikkar på samtidig. Sist vinter fann eg ut at eg skulle strikke eit par sokkar i kvar farge av Silja sokkegarn .Her er resultatet so langt (dei to stripete er ikkje silja).Det har gått seint for eg har strikka mykje anna innimellom,men eg skal gjennomføre det sjølv om det går litt treigt no.

Noken har mønster i brotet og oppe på foten . Her er eit med fletter.

Fleire med mønster.Av og til er det kjekt å strikke noko anna enn to rett og to vrangt.

Mønstera til dei 4 para over , står i denne boka .Der er 22 ulike sokkeoppskrifter .Veit at ho som har laga denne boka held på med ei til og den skal eg heilt sikkert kjøpe .

Eg har rikeleg med sokketråd og butikken har meir når eg brukt opp dette.Men no må eg ut og leite etter strikkelysta mi . Den fosvannt etter første ferieveka og har ikkje komt tibake .
Har noken sett den ??????

Presang

Igår når Nina kom heim frå ferie i Rotterdam så hadde ho med ein presang til meg frå Linda.Det var dette fine stoffet her rulla sammen og med knytt band på

Eg knytte opp bandet og rulla det ut. Då vart det sånn.

Når eg bretta det heilt ut kom dette fram .Ei strikkepinnemappe (veit ikkje om det heiter det). Full av trestrikkepinnar i mange ulike størrelsar .Det var ein flott presang !!! TUSEN TAKK LINDA !!!!