GODT NYTTÅR !!!

Hyttetur

Ettersom mannen no i romjula har dreve og hogge ved like nedafor hytta så fann eg mandagskvelden ut at tysdag etter jobb så ville eg gå opp der og så kunne vi overnatte ei natt.Avtalen var at han skulle fyre i ovnen med same han kom opp for det tar ganske lang tid å få det varmt nok no om vinteren.Med same eg kom heim så tok eg på fjellskoa og fann fram trugene.Her har eg gått eit lite stykke og er komt opp i snøen.
Eg gjekk i traktorspora og det var forferdeleg tungt å gå der for det var så laust .Eg angra på forslaget mitt mange gongar på veien opp .Etter fleire månader i godstolen er formen elendig og med snø som er som sukker å gå i så vart føtne fort stive som stokkar.Siste del av turen brukte eg trugar og då vart det litt lettare.

Men eg kom no fram til slutt og då brann det godt i ovnen og det var 10 grader inne.

Maten var enkel for ha minst muleg oppvask.

Etterpå var det vintid og masse stearinlys.

I ovnen brann det lystig med god bjørkeved. Ikkje verdens finaste bilde med vassbytta , skoa og diverse.

Bilder tatt ute .

Tufsetrolla står i glaset og tittar ut.

Heldigvis vart turen nedigjen lettare enn den opp.Så no er vi klar for nyttårsfeiring med pinnekjøt ,poteter,kålrotstappe, og lefser ( og litt stive føter)

Litt strikking

Hue til gråtassgensaren.
Og sokkar til liten og stor.

Baking

I dag har eg baka litt . Først speltrundstykker til den i familien som ikkje kan ete kveitemjøl .
Så tre brød. Etter at den gamle kjøkkenmaskina mi havarerte har eg ikkje fått til å lage brød. Håpar å få det til igjen så av og til må eg prøve .

Til slutt to "verdens beste".Denne kaka streva eg lenge med før eg fekk den til , men så plutseleg gjekk det bra. Desse to gjekk rett i frysen .

Må ha til jul

Ein ting eg berre må ha til jul er salta lammelår. Vanlegvis så er eg altfor sein med å kjøpe det inn så det får ikkje ligge lenge nok i salt , men i år var eg tidleg ute og i dag var det på tide å få det i saltet.

Det skal vere 1 kg salt til 5 l vatn . Så skal det ligge 6 dagar i saltvatn .Etterpå skal det vatnast ut i minst 12 timar, pakkast i folie og ligge 1 døgn før det blir steikt i ovnen på 125 grader .Det skal stå i ovnen i ca 3 timar men det tykkjer eg er for lite så eg steiker det litt meir. I lag med heimelaga rødbetsalat er dette kjempegodt pålegg . Låret vert alltid steikt veslejulafta om kvelden og når den lukta fyller huset og blandar seg med lukta av juletre då er det jul på Skinlotoppen.

Julebakst

I dag har vi laga litt julekaker . Det vart berre to sortar og eg veit ikkje kor mykje meir som blir baka . Eg har ikkje tenkt å stresse livet av meg , men lage det eg har lyst og tid til.Det ligg ikkje noke stygt på brettet men det er snora på kamera som har sneke seg med på bildet.

Fullmåne

Bildet er teke kl.15.50

Gråtass....

er ferdig .Dette er ei bestilling som eg utsette så lenge eg kunne med å strikke. Trudde det var mykje arbeid og mykje teljing men så viste det seg at det var kjempelett mønster . Den skal overleverast mandag og eg håpar den passar.

Sauehauefest og kyrkjebesøk

Lørdag kveld var vi på sauehauefest. Vi reiste lørdag morgon og brukte noken timar på julehandel og fekk handla det meste av julepresangane. Etter handlinga reiste vi til eine bror min der vi skulle overnatte.På trappa var nissehuset på plass med nissar og lys.
Utpå kvelden reiste vi til ein anna bror der festen var. Der var også ein tredje bror så då var vi 8 stk. Kan vere einig i at dette ser litt makabert ut men det smakar utruleg godt.

Og saman med alt tilbehøret vart det eit "herremåltid".

Godt drikke av fleire slag.

Katten i huset var med og låg på teppet og kosa seg.

I dag stod vi litt tidleg opp og køyrde heim for vi skulle i kyrkja .Jølstravatnet låg der så blankt og stilt.

Vi nådde akkurat kyrkja . Der sat det ein litt spent 4-åring (i lag med 28 andre 4-åringar) og venta på å få utdelt 4-årsboka. Det vart nok litt kjedeleg å vente heilt til slutten av gudsteneste før dei skulle fram.

Men endeleg begynde presten å lese opp namna og ein etter ein gjekk dei fram .Og det var ein stolt gut som kom tilbake med boka si.

Blånissehue

Igår kveld når Jul i blåfjell gjekk på barnetv sat ein litt betutta Oliver (barnebarn) og såg barnetv. Han sa at minst 12 stk i barnehagen hadde blånissehue men ikkje han. Eg tykte litt synd i han så eg sa at i mårå skal eg strikke ei hue som skal vere ferdig så du kan bruke den fredag i barnehagen. Så i dag når eg kom heim fann eg fram tråd og pinnar og sette i gong. Etter 3-4 timar med nistrikking var den ferdig. Her er den før toving .
Etter toving (som det vart litt for mykje av). Etter at bildet var teke er den strekt utover så den er litt større. Trur han vart fornøgd.

Bakedag

I dag har eg hatt fri så då vart det baking. Eg hadde store planar så i går kveld tok vi den gamle komfyren opp frå kjellaren sånn at eg kunne steike i to ovnar. Men den hadde visst sagt "takk for seg" så eg måtte klare meg med ein ovn.Det gjekk no det og , men eg fekk ikkje laga so mykje som eg hadde tenkt. Likevel rauk det med 20 kg kveitemjøl , 8 liter mjølk og nesten 2 kg smør.
Heving

Klare for ovnen

Ein stor haug med rundstykker

Ein litt mindre haug med bollar