Meir adventspakkar.

Harry Pottervottar som er strikka i dobbel Silja.
Veska er strikka i Østladnsgarn .Skulle nok vore ein mørkare raudfarge men det var denne eg hadde.

Desse er strikka i Smart og Rubin og H står for Huffelpuff. Resten av adventspakkane har posten tulla vekk. Dei vart sendt 11 desember og er endå ikkje komt fram til Setesdal.

Om dei kjem fram så vert dei nok ikkje pakka opp før utpå nyåret for i dag kjem jenta heim på juleferie og det gledar vi oss til.

Strikke -strikke.

Har strikka litt julegåver i det siste.
Odessa-hue strikka i dobbel babyull og baktus-skjerf i babyull.
Hue i Smart og Baktus-skjerf i babyull.

Spiderman-hue i Smart og

tova vottar som endå manglar snorer,men dei er det fort gjort å lage.

Adventskalendarpakkar.

Eit par med Harry Potter sokkar.Strikka sokkane og sydde på motivet oppe på sokken og på hælen.Dei er strikka i Silja.
Og eit par til. Strikka på samme måte som dei over.

Eit par med Batman-vottar.Strikka vanlege vottar og sydde det gule på til slutt. Dei er strikka i dobbel Silja.

Adventspakke.

Sjølv om den yngste i huset er 17 år så fann eg ut at sidan ho bur så langt heimafrå så måtte ho få adventskalendar.
Og som vanleg så kom eg på det altfor seint. Planen var å strikke 24 ting , men det klarte eg ikkje(sjølv om eg fekk hjelp av eine storesøstra hennar som strikka 3-4 ting).
Så noken få ting måtte kjøpast. Eg kjem til å legge ut bilder av det eg har strikka etter kvart som det blir pakka ut.
Det første er desse sokkane. Sidan Nina er ein stor Harry Potter-fan så må desse sokkane passe godt. No har eg aldri sett ein Harry Potter-film så har eg ikkje peiling på namn eller noko ,men sjølv kalte ho dei Ravnklo-sokkane.
Dei er strikka i Silja og fuglen og bokstaven bak på hælen sydde eg på til slutt. Mønsteret fann eg på Ravelry.

Hanskar med havskummønster

Desse hanskane strikka eg i helga. Dei er strikka i Silja og mønsteret er i eit hefte frå SandnesGarn som heiter tilbehør.
I dag hadde eg dei med på jobb og gav dei til ei som eg jobbar saman med som har bursdag i dag. Ho vart veldig glad for dei og det er kjekt å gje vekk sjølvlaga ting når dei blir sett sånn pris på.

Karius eller Baktus?

Er ikkje heilt sikker men trur det er Baktus. Uansett om det er det eine eller andre så er det kjempegodt å ha rundt halsen no i kulda. Har til og med brukt det inne når eg kjem heim og det er litt kaldt i huset.Det er strikka i Babyull og eg har brukt 96 gr. Skal lage fleire sånne men då vil eg ha det litt større.

Fanagensar og adventspakkar.

Fanagensar strikka i Silja . Den skal bli julegåve til ei jente på 5 år.Har strikka ein del i det siste men det meste er hemmeleg og kan ikkje visast fram endå.
Ein anna ting eg har helde på med er advantspakkane. Hadde egentleg ikkje tenkt å lage i år men Oliver spurte for fleire veker sidan om hadde laga så då ombestemte eg meg. Her ligg 86 stk. 24 var alt levert og eg manglar 11 som ikkje er klar endå.

Ein ufo......

..er ferdig. Desse sokkane har eg hatt liggande halvferdige i fleire år, men no tok eg dei fram og gjorde dei ferdige.
Strikka i Silja på pinnar nr.2.5 og størrelsen er ca.38.

Blånissevottar

Oliver ville ha blånissevottar og sånne ønskjer må ein berre seie ja til.
Har strikka dei i Nissegarn kjøpt på Europris.Brukte pinnar nr. 5 så dei var ferdige på eit par timar. Før toving.
Tovinga gjekk fort,men eg var nok uheldig for det var visst litt lo i vaskemaskina så vottane har litt kvita prikkar. Strikka i str. 6-9 år og med mønster frå eit hefte som heiter Månetoppen.

Grilling i November.

I kveld etter at det var blitt mørkt tok vi på oss godt med kle, fyrte opp i ein gammal grill med ved og grilla pølser,drakk kakao og gløgg.
Alle dei 5 borneborna var med.
Trur dei tre nederlandske borneborna tykte det var litt rart å grille ute i snøen og mørkna.
Etter maten var det fram med kjelkar og akebrett.
Trur det er noken små som kjem til å sove godt i natt.

Jakke til Emilie

Jakke,hue og sokkar til ei lita jente på 4 mnd. Har strikka det i str. 6 mnd og håpar at det er stort nok.
Enkelt men fint flettemønster.

Strikka i Dale babyull og mønsteret fann eg i eit Dalehefte som heiter Baby Hentesett.Alle jakkene i det heftet har raglan eller rundfelling så ein slepp montering.

Litt småtteri.

Ei ullbukse str. 2 år. Strikka i Lanett.
Sokkar strikka i viking Sportsragg. Desse er ca 36-37 og dei har eg gjett vekk for lenge sidan.

3 par lange sokkar som er strikka i Jarbo garn.Desse er veldig raske å strikke for eg trur eg brukar pinnar nr. 3,5.

4 par vottar til Oscar.Denne gongen har eg tvinna snorer som eg har sydd på så dei ikkje kjem "vekk" frå kvarandre. Desse er strikka i restar av Smart og Rubin. Har brukt mykje av restane som eg hadde liggande på vottar og sokkar no i haust.

I dag har eg fri, det er kaldt ute (-8,5) , eg skal fyre i ovnen og strikke rosa snurresokkar til ei lita jente.

Setesdalsgensar

Har strikka gensar til Oscar. Mønsteret heiter Setesdal og eg fann det i eit gammalt mønsterhefte frå Gjestal.No har eg ikkje følgt mønsteret heilt for mønsteret på hua skule vore øverst på armane,men eg strikka berre "lus" der.
Gensaren er strikka i Silja og er størrelse 2 år og den passa heilt fint.

Flytting av fisk.

I dag vart dei 4 fiskane som var i den små dammen flytta ned i den store.Det er nok ikkje lenge før dei går i "dvale" for dei var så sløve at det gjekk fint å fange dei med hendene.

Så får vi håpe på at denne vinteren ikkje blir så kald som den som var i fjor ,for då daua alle fiskane.

Ellers i dag har eg helde på å montere ein gensar som er noko av det kjedelegaste som finst.Planen var at det skulle gjerast i går men då oppdaga eg ein kjempetabbe eg hadde gjort så det enda med at eg måtte rekke oppigjen nesten halve bolen.No har eg strikka den oppigjen og no skal eg strikke halsen og så er den ferdig !!

Sokkar til Anicia.

Sokkar til ei Nederlandsk dame (kollega til dotter mi)som hadde så lyst på heimespøta ullsokkar for det hadde ho aldri hatt.Strikka i Senjagarn og mønsteret fann eg i eit Raumahefte.
Det gjekk med nesten 100 gr av kvar farge.

Heime igjen.

Turen gjekk fint sjølv om starten ikkje såg så lovande ut.Etter at vi var komt på plass i flyet oppdaga eg to karar ute på ein flyvengja som studerte nøye ei sprekke i malinga.Etter ei stund forsvann dei men kom tilbake fleire gongar og såg meir på sprekka.
For ei med litt flyskrekk var ikkje dette så veldig beroligande , men med spøt og eit glas rødvin så roa nervane seg.
Heile veka heldt desse tre oss med selskap medan mammaen var på jobb.Litt språkproblem var det av og til , men heldivis snakkar eldstemann norsk så han var tolk.

Spøta gjorde eg i bilen ,på flyet og ellers i ledige stunder, men som vanleg har eg fleire ting

på gang så ingenting vart heilt ferdig. Snø var det første vi såg då vi kom inn over Norge. Den ligg her endå og det har snøa litt i heile dag.

Håpar den forsvinne snart så eg får tulipanløkane som eg kjøpte i Amsterdam i jorda.

I full fart !!!

Er innom i full fart for å fortelje at i morgon set vi oss på flyet til Amsterdam for å besøkje denne gjengen(borneborna og dotter vår). Ei heil veke får vi i lag med dei og det gledar vi oss veldig til!!!

Har strikka litt og. Ei ullbukse i Smart og Rubin i ca 1.5 år. Den passa heilt flott til han som skulle ha den.

Sidan dei minste i barnehagen brukar strikkavottar så fekk eg jamment bestilling på det og.

2 par er ferdige ,men eg må nok lage fleire når eg kjem heim igjen.

Desse er strikka i restar av Smart og Rubin.

Har pakka masse strikkesaker så eg skal nok ikkje kjede meg på turen !!

huer.

I helga strikka eg 4 huer til Oscar.Nr 1 frå venstre er strikka i Lanett,nr 2 i Babyull og dei to siste i dobbel Babyull. På dei to første la eg opp 44 m og på dei to i dobbelt garn 32 m.
Dei passa heilt perfekt og det tenkte eg at eg skulle vise ,men det er neimen ikkje lett å ta bilde av ein som ikkje klarar å vere i ro i meir enn eit halvt sekund i gongen. Skulle nok hatt eit raskare kamera ja.

Til slutt klarte eg å få fire nokolunde brukandes bilder.

Prematurstrikk.

For 2 år sidan kom eg over ein blogg til ei dame som strikka huer og sokkar som ho gav til ei sjukehusavdeling for fortidlegfødde. Dette såg så kjekt ut at eg måtte berre prøve. Så eg strikka dette ,men så hadde eg ikkje nokon adresse å sende det til og visste heller ikkje kva for sjukehus som kunne ta imot sånt. Så det vart berre liggande heilt til for to veker sidan då kom eg over denne bloggen og dama som har den tar imot og leverer det på eit sjukehus som kan bruke det.
Eg tykte eg hadde litt lite å sende så eg fann fram babyullrestane mine og strikka litt til.

3 små tepper vart det og.

Og det er knøttsmå ting det er snakk om.Her ligg ei hue og eit par sokkar attmed ei vanleg fyrstikkøsje.Ei hue veg ca 10 gr så den minste rest kan brukast.

Pakka og klart til å sendast.Kjem heilt sikkert til å strikke meir sånt innimellom for det er så godt å få vekk litt restar.