Tunge tider.

Det har vore ein lang og tung vinter etter at mannen i huset døydde brått og uventa i slutten av November. Etter 37 år i lag vart det brått slutt. Born ,borneborn og familien ellers har vore til stor trøyst i denne tida. No ser vi fram til sommaren for då kjem dotter og tre borneborn som bur i utlandet heim på ferie .Det gledar vi oss stort til. Heldigvis har eg helde fram med strikkinga mi og eg trur nok at den og har hjelpt meg gjennom denne vinteren.Her kjem det meste av det som eg har strikka etter jul. Strikka ein del som vart julegåver , men det vart ikkje teke bilder av. Denne gensaren var ei bestilling frå ei svigerinne og den skulle vere ein 65-års presang til eine bror min.strikka i Silja på pinnar nr.2.5. Tok litt tid men ferdig vart den og passa perfekt ifølgje mottakaren.
Presangen frå meg var desse sokkane +litt til. Dei og strikka i silja.

Oscar måtte ha nye barnehagevottar og dei måtte vere heimestrikka. Eg tenkte at no når han er 2.5 år og har litt større hender så skulle eg tove dei litt så dei vart litt tettare og varmare. Hadde ikkje mønster så det måtte eg lage og det vart strikka fleire par før eg laga eit som passa. Her er eit par før det er tova.

Dette paret vart for mykje tova og altfor tjukt for små hender.

Omsider klarte eg å få til eit par som var passeleg stort og passeleg tova. strikka to par til men dei har eg ikkje bide av.

3 par lange sokkar som alle er strikka i Silja og som eg har gjeve vekk. Mønster til sokkane har eg funne litt her og der i dei mange hefta eg har. Fikk "fot " i julegåve som gjer at det blir mykje enklare å ta bilder av lange sokkar. fikk "hovud "og . Det skal de få sjå når eg har strikka hue eller hals.

3 par Raggsokkar. Ikkje så mykje å seie om dei.

3 par mønstersokkar som er strikka i Silja. Mønster frå bøker og hefter som eg har mange av.

Desse blir nok jule eller bursdagsgåver.

Eit par av restar. Det fleirfarga er Labbetuss og det rosa er Silja.

Eit par til i Silja og desse og blir nok presang ein gong.

Eit teppe som skal til Nepal. Hadde noken nøster som eg har flytta frå den eine korga til den andre lenge. Fann ut at no er eg lei av dei så eg må bruke dei og strikka dette teppet. Litt triste fargar men eg fikk brukt opp det meste. Har eit svart nøste igjen og det skal eg nok få brukt ein gong. Teppet er ca 1x1m.

Dette teppet var og tenkt til Nepal men sidan eg har eindel av den raude fargen som er rundt alle rutene så lurer eg på om eg skal lage det større og ha det sjølv.Kunne nok passa på hytta.

Hmm..må tenkje litt på det. Sånn som teppet er no er det ca 1x1m.

Teppet er hekla i berre ullgarn. Det raude er noko eg kjøpte då eit gammalt garnutsalg (som ikkje hadde vore ope på mange år) skulle selje ut alt for huset skulle seljast. Mykje billeg garn og eg anar ikkje kor mange kilo eg kjøpte men det vart mange bossekkar.

Endå eit teppe som eg hadde tenkt skulle sendast til Nepal , men som eg alt har bestemt at eg skal bli større og bli mitt. Det blå er samme garnet som det raude over og eg har eindel meir av det.

Siste teppet var det første eg hekla og det er 120x200 m.

Det kvite er det 100 % ubehandla ull og det samme garnet som det raude og blå på dei andre teppa. Det andre som er brukt er berre restar.

Her er litt av det som er brukt på teppet .Eg har teke vare på alle restar som er over 1m for dei kan brukast til oldermorruter.

I dag har eg hatt min første tur på hytta. Det var mykje snø , men den var hard så trugane som står ved hytteveggen vart ikkje brukt.

Nissedress og litt til.

Hanna (eller var det mamma"n ?) ønska seg nissedress.Vi fann mønster å Drops sine gratismønster. No strikka eg dressen i anna garn og tynnare pinnar så eg laga meg mitt eige mønster og brukte berre bildet å sjå etter.
Dressen er strikka i Smart på pinnar nr 3.

Dressen passa ganske bra , berre litt lang i føtene .(Det kan no forresten vere bra når ein er sokkelaus). Dei lyse flekkane er ikkje fargefeil men vi hadde sol då eg tok bildet.

Eit par lange sokkar er og ferdige. Har vore misfornøgd med fargevalget heile tida så det har teke litt tid å få dei ferdige. Strikka i Silja på pinnar nr 2.5.

Eit Nepalteppe til er ferdig. Dette er teppe nr 17 , så det er ikkje mykje restar igjen her i huset.

I kveld har vi pakka koffertane våre ,for i morgon tidleg køyrer vi til Bergen , tek eit fly til Amsterdam for å besøke denne gjengen her. Vi gledar oss veldig til å få ei heil veke i lag med dokke !! Og til minstemann Kevin ; i måråkveld skal du få bjunost på sjeva di !

Ulldress.

Har strikka ein ulldress til Oscar som han skal ha under regnklea i barnehagen. Strikka den i dobbel Daletta på pinnar nr 3.5. Den vart nok litt trongare enn eg hadde tenkt.
Oscar var godt fornøgd for det er traktor på ryggen. Tilogmed Besten sin Fendt.

Har og strikka eit par lange sokkar i eit mønster som eg har strikka så mange gongar at eg treng ikkje følgje mønster lenger. Strikka i Silja og denne gongen brukte eg pinnar nr 3.

Og så har eg fått ferdig eit Nepaltepp Og eit til.

Teppestabelen veks sakte men sikkert så snart kan eg kjøpe kasse på posten og sende dei til Nepal. Må forresten ta med at i denne stabelen er det to tepper som andre har strikka.

Hyttehelg.

Sjølv om veirmeldingane var dårlege så reiste vi på hytta fredag ettermiddag. Det var regn og vind og sludd heile fredagskvelden og lørdag morgon var det snø då vi stod opp.Lørdag ettermiddag kom veiret seg så vi kunne ta oss ein tur ut.
I dagtidleg vakna vi til regn og mykje vind igjen. Ikkje mykje freistande å gå ut nei.

Så nesten heile helga vart det sofasitting og strikking. Strikka mest på eit Nepalteppe, men når eg vart lei av det så bytta eg til

eit par lange sokkar.

I dag hadde eg opprydding i hyttegarnet mitt og då fann eg nokre oldemorruter som eg har hekla for lenge sidan. Så då fann eg ut at eg skal hekle eit Nepalteppe av alle smårestane. Gjorde klar litt restar til neste hyttetur så då blir det hekling av oldemorruter.Kanskje neste helg ?

Tida går altfor fort..

...og plutseleg har det gått fleire veker utan eit einaste blogginnlegg. Strikkaklea til Emilie har vore ferdig lenge. Det mangla berre strikk i buksa og knapp i hua ,men det er ordna i dag. Mønsteret fann eg i eit gammalt Lanetthefte frå 70-talet.
Av og til så snur bilda seg når eg legg dei inn på bloggen og som de ser så gjorde dette det.
Då eg kjøpte garn til dette så feilberegna eg garnmenda heilt og hadde nok til berre gensaren og hua(som er strikka i Silja). Heldigvis fann eg Rubin som var nesten samme farge så eg kunne strikke bukse og. Det er nok litt meir forskjel på fargen på gensaren og buksa enn det som viser på bildet, men ikkje meir enn at det går å bruke det i lag.

Og så har eg klart å strikke opp alt av raggegarn. Alle restane er brukt og det som eg har igjen er berre nok til ein halv sokk. Her er 6 par i damestørrelse

og to par i herrestørrelse.

Litt av grunnen til lite blogging er at eg har måla hobbyrommet mitt. Tok ikkje meir enn eit førbilde

men det har forandra seg ganske så mykje. Det vart så lyst og fint og eg er veldig fornøgd. No manglar det berre nye lamper og så å henge litt opp på veggane.

Lange sokkar.

Har strikka ferdig eit par lange sokkar som har lege halvferdige minst eit halvt år. Det er vanskeleg å ta bilder av sine eigne føter så dette var det beste eg fekk til.
Dei er strikka i Silja og mønsteret stod i Familien for eit par år sidan(hugsar ikkje når).

Ullkle til Emilie.

Emilie har eg strikka litt til før og no er ho begynt i barnehage så då tenkte eg ho skulle få litt strikka ullkle. Mønsteret på gensaren har eg funne i eit gammalt Gjestal-hefte.
Mønster til buksa hadde eg ikkje men strikka den sånn midtmellom 1 og 2 år. Det skulle vel bli ca 1.5 år.

Til hua har eg brukt det mønsteret som eg vanlegvis brukar , men tok vekk spissen i panna for eg tykkjer den passar best til gutar.

Til heile settet brukte eg 500 gram Rubin. Så får eg håpe det passar. Held forresten på med eit sett til som ho skal få. I anna mønster og litt tynnare garn. Det kjem nok bilder av det i neste veke for det er nesten ferdig.

I dag har eldste dotter og eg vore ein tur til Førde og garnhylla på Spar Kjøp klarar eg eg gå forbi uten å raske med meg litt. I dag vart det ein heil pose. Mest sokkegarn som skal bli lange sokkar og det mørkebrune skal bli ulldress til Oscar.

På Rema hadde dei dette som er 55 % ull og45 % bomull. Veit ikkje endå kva det skal brukast til , men kanskje ein kjole til Hannah ?